XƏBƏRLƏR

Tarix:10/06/11

Strateji Araşdırmalar Mərkəzi sosial şəbəkələrdə səhifə yaradıb

Artıq Azərbaycan Respublikasının Prezidenti yanında Strateji Araşdırmalar Mərkəzinin (SAM) “Facebook” və “Twitter” sosial şəbəkələrində səhifələri mövcuddur. Son zamanlar sosial şəbəkələr insanların gündəlik həyat tərzinin və qlobal məkanın ayrılmaz tərkib hissəsinə çevrilib. Azərbaycanda da “Facebook” və “Twitter” kimi sosial şəbəkələrin istifadəçiləri xeyli artıb.
Məhz “Facebook” və “Twitter” vasitəsilə ən müxtəlif məlumatlarlı tez və operativ şəkildə əldə etmək və eyni zamanda yaymaq mümkündür. SAM-ın “Facebook” və “Twitter” kimi qlobal informasiya şəbəkələrinə üzv olmaqda məqsədi Mərkəzin fəaliyyəti - son elmi araşdırmaları, yeni nəşrlər, beynəlxalq tədbirlər, əhəmiyyətli layihələri haqda ölkə və dünya ictimaiyyətini məlumatlandırmaq, aktual yerli və beynəlxalq ictimai-siyasi proseslərə dair ekspert rəyləri ilə bölüşməkdir.

Baxış sayı: 1898