12px13px15px17px
Tarix:19/02/16

“Skype” proqramının mobil versiyası üçün qrup videozəngləri əlçatandır

“Microsoft” şirkəti mobil qurğular üçün “Skype” internet telefoniya xidmətinin yeni versiyasını buraxıb. Əvvəllər yalnız "Skype for Business" paketinin abunəçilərinə əlçatan olan qrup videozəngləri funksiyası tezliklə “iPhone”, “iPad” və “Android” əsaslı qurğularda işə salınacaq.

“ICTnews” Elektron Xəbər Xidməti “hitech.vesti.ru”  saytına istinadən yazır ki, 24 istifadəçiyə kimi eyni zamanda videoçatda ödənişsiz ünsiyyət saxlamağa imkan verən yeni funksiya mərhələli şəkildə aktiv ediləcək. Artıq Şimali Amerika və Qərbi Avropa sakinləri üçün qrup videozəngləri funksiyası aktivdir, martda isə digər regionlarda aktiv ediləcək.

“Skype” proqramı hansı kameranın aktiv olmasından asılı olmayaraq videonu 1080p formatında yayımlayır. İstifadəçilər istənilən an qurğunun əsas və ya ön kamerasından istifadə edə bilərlər.
Yeni funksiyanın istifadəyə verilməsi “Skype” proqramında ödənişsiz zənglərin 10 illiyi ilə bağlıdır. Son 10 ildə xidmətin istifadəçiləri ümumilikdə 2 trilyon dəqiqədən çox danışıblar.

Emil Hüseynov




Baxış sayı: 542

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024