XƏBƏRLƏR

Tarix:24/02/16

“Google” SMS standartının mütərəqqi analoqunu təklif edir

"Google" şirkəti artıq müasir istifadəçilərin tələbatını ödəməyən SMS standartını əvəz edəcək "RCS" (Rich Communication Services) adlanan yeni texnologiya təklif edib. Qrup çatı, yüksək təsvir ölçülü fotoşəkillərin mübadiləsi kimi imkanları nəzərdə tutan texnologiyaya yaxın gələcəkdə videozəng funksiyasının da əlavə ediləcəyi gözlənilir.

"ICTnews" Elektron Xəbər Xidməti "4PDA" resursuna istinadən yazır ki, yeni messencer həmçinin köhnə SMS və MMS standartlarını dəstəkləyəcək. "Google" şirkəti "RCS" texnologiyasındakı "Jibe" funksiyasını "Android" əməliyyat sistemli bütün qurğular üçün ümumi qəbul edilmiş standart etməyi planlaşdırır.
Bildirilir ki, "RCS" populyar "WhatsApp" servisinə rəqib olacaq. "Apple" şirkəti də "RCS" texnologiyasını dəstəkləməyəcək messencer hazırlayır. Lakin dünyada smartfonların 80 faizinin "Android" sisteminin idarəetməsi ilə işləməsi nəzərə alınmaqla "Google" bu mübarizədə qalib gələ bilər.

Nizam Nuriyev

Baxış sayı: 787