XƏBƏRLƏR

Tarix:06/05/16

Süni intellekt ağrını müəyyənləşdirmək qabiliyyətinə yiyələnib

Finlandiyada yerləşən Oulu Universitetinin alimləri tərəfindən hazırlanmış süni intellekt insanın sifətindəki ifadədən ağrını müəyyənləşdirir. Alqoritm 16 ağrı səviyyəsini fərqləndirmək qabiliyyətinə malikdir.

“ICTnews” Elektron Xəbər Xidməti “hi-tech.mail.ru” saytına istinadən yazır ki, süni intellekt insanın sifətində müşahidə olunan dəyişiklikləri “oxuyaraq” onun nə zaman ağrı hiss etməsini müəyyən edir.

Yaradıcılar tərəfindən keçirilmiş tədqiqatda təxminən 200 insan iştirak edib, ona görə sistem minimum səhvə yol verməklə ağrını müəyyənləşdirməyi öyrənib.

Tədqiqatçılar süni intellekti tibb müəssisələrində istifadə etməyi planlaşdırır. Belə ki, süni intellekt xəstənin sifətində ağrı hiss edən kimi xəstəxana heyətini avtomatik xəbərdar edəcək. Bunun üçün palatalarda kameralar quraşdırmaq lazım gələcək.

Emil Hüseynov

Baxış sayı: 800