XƏBƏRLƏR

Tarix:03/06/16

İnternet nəhəngi “Telefon axtarışı” xidmətini istifadəyə verib

“Google” korporasiyası "Find My İphone” xidmətinin analoqunu istifadəyə verib. Sözügedən xidmət “Android” mobil əməliyyat sistemi ilə işləyən qurğuların olduğu yeri müəyyənləşdirməyə və lazım gəldikdə cihazı bloklamağa imkan verir.

"Telefon axtarışı" xidməti “myaccount.google.com” saytında “Təhlükəsizlik və giriş” bölməsində əlçatandır.
“ICTnews” Elektron Xəbər Xidməti “cnews.ru” istifadəçi "Telefon axtarışı" istinadına keçid edərək daxil olduğu səhifədə ona öz hesabı ilə bağlı olan qurğunu seçmək təklif olunur. Qurğunu seçdikdən sonra əlçatan funksiyaların siyahısı açılır.

İlk 2 funksiya (standart zəng melodiyası ilə zəng etmək və “Google Maps” xəritəsində qurğunun olduğu yeri müəyyənləşdirmək) "Find My İphone” xidmətində olduğu kimidir.

İstifadəçi smartfonu blok edə bilər və bu zaman o, faydasız alətə çevrilir. Smartfonun bloklanması zamanı istifadəçiyə ekranın blok edilməsi üçün parol yaratmaq, informativ yazı əlavə etmək (vacib deyil) və telefon nömrəsini daxil etmək (vacib deyil) təklif edilir.

Smartfon itdikdə onu tapan bloklanmış ekranda informativ yazını və cihazın sahibinə zəng vurmaq üçün nömrəni görəcək. Digər funksiyalar isə əlçatan olmayacaq.

“Google”un "Telefon axtarışı" xidməti, məsafədən qurğudakı bütün məlumatları silməyə imkan verir.
"Yalnız ABŞ-da ildə milyonlarla mobil telefon oğurlanır. Cihazın sahibi belə halda nə etmək lazım olduğunu bilmir" – “Google”un nümayəndəsi deyib.

Emil Hüseynov

Baxış sayı: 913