XƏBƏRLƏR

Tarix:12/07/16

“Microsoft” süni intellektin yaradılması üçün platforma istifadəyə verib

“Microsoft” korporasiyası qapalı sınaqlardan sonra “Project Malmo” platformasında “Minecraft” kompüter oyununun xüsusi versiyasını işə salıb. İndi hamı özünü süni intellektin hazırlanmasında sınaya bilər. Artıq “GitHub” resursunda yerləşən proqramı yükləmək mümkündür.

“ICTnews” Elektron Xəbər Xidməti "BELTA.” resursuna istinadən yazır ki, proqramın hazırlanmasında və ondan açıq istifadənin təqdim edilməsində əsas məqsəd istifadəçilərlə birlikdə mürəkkəb vəzifələri yerinə yetirə biləcək mükəmməl süni intellekt yaratmağa səy göstərməkdir.

Qeyd edək ki, bu ilin martında "Minecraft”ın proqramlaşdırmaya kömək üçün nəzərdə tutulan versiyası təqdim olunub. Layihə müəllifləri proqramdan süni intellektə malik personajların sınağı üçün platforma kimi istifadəni təklif ediblər. İlk vaxtlar az istifadə olunan versiya hazırda populyarlıq qazanıb.

Nizam Nuriyev

Baxış sayı: 716