12px13px15px17px
Tarix:15/07/16

Ölkəmiz kompüter oyunları üzrə dünya çempionatında təmsil olunacaq

Oktyabrın 6-9-da Cakartada (İndoneziya) kompüter oyunları üzrə VIII Dünya çempionatı (The 8-th e-Sports World Championship Jakarta 2016) keçiriləcək.
 
Birinci qeydiyyat mərhələsi artıq başa çatıb və 37 ölkədən 479 müraciət qeydə alınıb. Onun 207-si 15 Asiya, 169-u - 14 Avropa, 39-u - 3 Amerika, 23-ü - 2 Okeaniya və 41-i - 3 Afrika ölkəsindəndir.
 
Otuz dörd federasiya “League of Legends”, 30-u - “Counter-Strike: Global Offensive”, 35-i -  “Hearthstone” üzrə turnirdə iştirak üçün müraciət edib. 
 
Yekun müraciətlərin müəyyən olunacağı ikinci qeydiyyat mərhələsi iyulun 1-dən sentyabrın 4-dək davam edəcək. Bu müddət ərzində iştirakçı federasiyalar milli seçim turniri keçirir və milli yığmanı formalaşdırırlar.
 
Azərbaycan Kiberidman Federasiyasından verilən məlumata görə, Federasiya bütün 3 rəsmi növ üzrə iştirak üçün müraciət edib. Hazırda iştirakçıların qeydiyyatı aparılır. Qeydiyyat barədə ətraflı məlumatı federasiyanın rəsmi “Facebook” səhifəsindən əldə etmək olar.
 
Xatırladaq ki, 2014-cü ildə Azərbaycanda kompüter oyunları üzrə VI Dünya çempionatı (The 6-th e-Sports World Championship Baku 2014) keçirilib. Çempionatda 6 oyun növü üzrə 30 ölkənin nümayəndəsi iştirak edib.
 
Beynəlxalq Kiberidman Federasiyasının (IeSF) versiyası üzrə Dünya çempionatı milli yığma komandaların iştirak etdiyi yeganə turnirdir. Bu il çempionat “TAFISA World Games” yarışması ilə birlikdə eyni meydançada keçiriləcək. Turnirin keçirilməsi zamanı “IeSF” həqiqi dəyərləri nümayiş etdirərək kiberidmanın gənc nəslə özünü ən yaxşı tərəfdən göstərməyə imkan verməklə idmanın tərkib hissəsi olmasını göstərəcək. Böyük idmanın tərkib hissəsinə çevrilmə “SportAccord” təşkilatı və Beynəlxalq Olimpiya Komitəsi tərəfindən tanınma üçün əhəmiyyət kəsb edəcək. 




Baxış sayı: 447

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Oktyabr 2019

21/10/19
İKT-dən cinayətkar məqsədlər üçün istifadə ilə mübarizə haqqında konvensiyanın hazırlanması təklif olunur

BMT Baş Assambleyasının 74-cü sessiyasının üçüncü komitəsinin iclasında Rusiya və Belarusun bir sıra digə

21/10/19
Nəqliyyat, Rabitə və Yüksək Texnologiyalar Nazirliyinin dəstəyilə kibertəhlükəsizliyə dair təlim keçirilib

Nəqliyyat, Rabitə və Yüksək Texnologiyalar Nazirliyi və Azərbaycan Banklar Assosiasiyasının dəstəyi, “İKT LAB

21/10/19
Britaniyada yeni superkompüter tikiləcək

Böyük Britaniyanın Edinburq Universitetində ikinci nəsil “AMD EPYC” prosessorları əsasında “ARCHER2” adlı

21/10/19
Məlumatları saniyədə 1 petabit sürətlə ötürən ilk şəbəkə qovşağı yaradılıb

Yapon mühəndisləri petabitlik şəbəkələr üçün ilk optik kommutator prototipini nümayiş etdiriblər. Belə a

20 10 2019