12px13px15px17px
Tarix:15/08/16

“Google” şirkəti “Android” sistemini daha mükəmməl əməliyyat sistemi ilə əvəz edəcək

“Google” korporasiyası gələcəkdə “Android” və “Chrome OS” sistemlərini əvəz edə biləcək daha mükəmməl əməliyyat sistemi üzərində işə başlayıb.

“ICTnews” Elektron  Xəbər Xidməti lenta.ru saytına istinadən yazır ki, şirkət hələ ki, yeni ƏS-i üzərində işə başladığını rəsmən elan etməyib, amma ilk təfərrüatlar və texniki təsvir artıq “GitHub” xidmətində dərc edilib. “Fuchsia” adlandırılmış sistem “Linux” deyil, “Magenta” nüvəsi əsasında işləyəcək.

Bundan başqa, “Magenta” nüvəsi sistemə əşyalar interneti texnologiyasının daha geniş yayılmış platformaları, həmçinin “FreeRTOS” və “ThreadX” ilə qarşılıqlı əlaqədə olmağa imkan verəcək. Beləliklə, korporasiya istifadəçilərin mobil qurğu və kompüterlərinin “OnHub” və “Google Home” ev ekosistemləri ilə inteqrasiyasını gücləndirməyi planlaşdırır.

“Google”un mühəndisi Brayan Svetlandın sözlərinə görə, şirkət ilk günlərdən yeni əməliyyat sistemini kənar tərtibatçılar üçün açıq etməyə dair qərar verib.

“Kantar” analitik şirkətinin məlumatına əsasən, Avropa bazarında “Android” mobil əməliyyat sisteminin bazar payı 76%-ə  yaxınlaşıb, ABŞ-da isə bu göstərici 67.6% təşkil edir.

Emil Hüseynov




Baxış sayı: 696

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024