12px13px15px17px
Tarix:15/08/16

Geyimə quraşdırılan “bulud” saxlanc sistemi təqdim olunub

Alabama universitetinin iki mühəndisi tərəfindən hazırlanmış prototip üç akkumulyator batareyası və sensor ekrandan ibarət bir neçə "Raspberry Pi" mikrokompüterindən ibarətdir. Yaradıcıların sözlərinə görə, ideya istifadəçinin bir neçə qurğusunu geyimə bərkidilmiş bir serverə lokal qoşmağı nəzərdə tutur ki, bu da qurğuların serverin hesablama gücündən istifadəsinə imkan verəcək. Bu halda mobil qurğular böyük hesablama gücünə ehtiyac duymayacaq və mürəkkəb işlər zamanı geyimin altında gizlədilmiş mikrokompüterlərin gücündən istifadə edəcək.

"ICTnews" Elektron Xəbər Xidməti naked-science.ru saytına istinadən yazır ki, hazırda insanlar öz üzərində "ağıllı" saat, smartfon, fitness treker və "ağıllı" eynək gəzdirmək istəyirsə, bir neçə bahalı qurğu satın almalıdır" – layihənin rəhbəri deyib. Belə olan halda hesablama platforması ilə təchiz edilmiş geyim bu problemi həll edə bilər.
 

"Raspberry Pi" mikrokompüterinə əsaslanan sistem 10 QB əməli yaddaş və 320 QB disk sahəsinə malikdir ki, bu da istənilən smartfondan güclüdür. Beləliklə, "bulud" texnologiyası ilə təchiz edilmiş geyimə bir çox cihaz qoşmaq mümkündür.

Emil Hüseynov







Baxış sayı: 541

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024