12px13px15px17px
Tarix:31/08/16

Fərdi kompüter bazarında azalma davam edəcək

“IDC”-nin analitikləri qlobal fərdi kompüter bazarı üzrə proqnoza dəyişiklik edib: əgər cari ilin mayında 2017-ci ildə tədarük həcminin 1.6%  azalması proqnozlaşdırılmışdısa, indi bu göstərici 2.1% səviyyəsindədir. 2016-cı ilə olan proqnoza heç bir dəyişiklik edilməyib: analitiklər tədarük həcminin 7.2% azalacağını bildirib.

Müqayisə üçün, 2015-ci ildə fərdi kompüterlərin (FK) tədarük həcmi 10.4%, 2014-cü ildə 2.1%, 2008-ci ildə isə 9.8% azalıb.

“ICTnews” Elektron Xəbər Xidməti “cnews.ru” saytına istinadən yazır ki, 2016-cı ilin ikinci rübündə dünya bazarında FK-nın tədarükü 4.1% azalıb, halbuki “IDC” bu göstəricini 7.5% səviyyəsində proqnozlaşdırmışdı. Şirkət bunu ABŞ, Qərbi Avropa və Latın Amerikasında fərdi kompüterlərə tələbatın artması ilə izah edib.

Eyni zamanda siyasi qeyri-sabitlik, məzənnə dəyişikliyi, məhsulların qiymətinin artması, Böyük Britaniyanın Avropa Birliyindən çıxması haqda referendumun nəticəsi və s. qlobal fərdi kompüter bazarına neqativ təsir göstərməyə davam edir.

2018-ci ildə “IDC”-nin analitikləri dünya bazarında FK tədarükünün artımını proqnozlaşdırır. “IDC”-nin qlobal FK bazarının tədqiqi üzrə vitse-prezidenti Loren Louverd izah edib ki, bazarın sabitləşməsi üzrə tendensiya artıq özünü büruzə verir. Şirkətin analitikləri bildiriblər ki, məhz korporativ seqment sayəsində 2018-ci ildə FK bazarında dinamika mənfi olmayacaq.

Emil Hüseynov




Baxış sayı: 553

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024