12px13px15px17px
Tarix:15/09/16

Sosial şəbəkələr uydurma xəbərlərlə mübarizə aparacaq

“Facebook” sosial şəbəkəsi və "Twitter” mikrobloqlar servisi özündə 30-dan çox media şirkətini birləşdirməklə məqsədi sosial şəbəkələrdə uydurma xəbərlərin yayılması ilə mübarizə və informasiyanın keyfiyyətinin yaxşılaşdırılması olan ittifaqa qoşulub.

“ICTnews” Elektron Xəbər Xidməti “NEWSru” resursuna istinadən yazır ki, söhbət ötən ilin iyununda “Google” şirkətinin dəstəyi ilə istifadəyə verilən "First Draft Coalition” layihəsindən gedir. O zaman layihə müəllifləri bəyan ediblər ki, şirkətlər üçün praktiki təlimat yazacaq, sosial şəbəkə istifadəçiləri arasında media savadlılığının inkişafı ilə məşğul olacaq, eləcə də istifadəçilərin xəbərləri təsdiq və ya inkar etmələri üçün platforma işə salacaqlar.

Təşkilatın idarəedici direktoru Cenni Sarcentin sözlərinə görə, platformanın istifadəyə verilməsi oktyabrın sonuna nəzərdə tutulur. Layihədə “Facebook” və “Twitter” ilə yanaşı, “New York Times” və “Washington Post” qəzetləri, “BuzzFeed News” nəşri, “AFP” agentliyi və  “CNN” telekanalı iştirak edir.

Lakin hazırda ittifaqın qarşıya qoyduğu vəzifələri necə həyata keçirmək niyyətində olması tam aydın deyil.
Qeyd edək ki, “Facebook” və “Twitter” uydurma xəbərlərin yayılmasına görə dəfələrlə tənqid olunub.

Nizam Nuriyev 




Baxış sayı: 426

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024