12px13px15px17px
Tarix:20/09/16

“iPhone 7” qurğusunun ekranı ən yaxşı adlandırılıb

"DisplayMate" mütəxəssislərinin hesabatına əsasən, "iPhone 7" smartfonunun ekranı bütün mövcud ekranlar arasında ən yaxşı adına layiq görülüb və yalnız smartfonları deyil, həmçinin "4K" təsvir ölçüsünə malik planşet və televizorları üstələyir.

"ICTnews" Elektron Xəbər Xidməti "lenta.ru" saytına istinadən yazır ki, "iPhone 7" smartfonunun 4.7 düym diaqonallı və 1334x750 nöqtə təsvir ölçülü ekrana malik olmasına baxmayaraq, onda rəng verilişi və ziddiyyət göstəriciləri digər qurğulardan daha yaxşıdır.

"DisplayMate"in fikrincə, "iPhone 7" qurğusunun çıxarılmasına kimi 9.7 düym  diaqonala malik "iPad Pro" planşeti ən yaxşı ekranla təchiz edilib. Həmçinin "Samsung Galaxy Note7" smartfonlar arasında ən yaxşı ekrana malik qurğu seçilib.

Xatırladaq ki, "Apple" şirkəti sentyabrın əvvəlində San-Fransiskoda keçirilmiş illik tədbirdə "iPhone 7" cihazını təqdim edib.

Emil Hüseynov




Baxış sayı: 730

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024