XƏBƏRLƏR

Tarix:14/10/16

“Android” sistemli qurğulara edilmiş hücumlardan dəymiş zərər bir ildə kəskin artıb

“Group-IB” şirkəti “Android” sistemi ilə işləyən qurğulara qarşı həyata keçirilmiş hücumların sayında rekord artım qeydə alıb. 2015-2016-cı illərdə istifadəçilər haker əməliyyatları nəticəsində 5 milyon dollardan çox vəsait itiriblər ki, bu da ötən ilin müvafiq dövrü ilə müqayisədə 471% yüksəkdir. 13 oktyabr tarixində keçirilmiş “CiberCrimeCon 2016” konfransında təqdim edilmiş şirkətin hesabatında belə məlumatlar öz əksini tapıb.

“ICTnews” Elektron Xəbər Xidməti “therunet.com” saytına istinadən yazır ki, hesabatda vurğulanıb ki, kibercinayətlərin həyata keçirilməsində əsas motiv bir qayda olaraq, puldur.

Hər gün 350 “Android” istifadəçisi haker qurbanı olur, onların hər biri orta hesabla 60 dollar itirir. Bu halda qeyd edilir ki, mobil qurğular üçün troyanlar, demək olar ki, FK (fərdi kompüterlər) üçün virusları geridə qoyub. Belə ki, yalnız bir haker qruplaşması sonuncu ilə məşğul olur və dəyən zərərin həcmi 100 min dollar məbləğində qiymətləndirilir.

Emil Hüseynov

Baxış sayı: 526