XƏBƏRLƏR

Tarix:14/12/16

Alimlər smartfonların köməyi ilə 400 zəlzələ qeydə alıblar

Kaliforniya Universitetinin mütəxəssisləri tərəfindən hazırlanmış “MyShake” mobil proqramı cari ilin fevralından təxminən 400 zəlzələ hadisəsini qeydə alıblar.

“ICTnews” Elektron Xəbər Xidməti news.rambler.ru saytına istinadən yazır ki, “Android” mobil əməliyyat sistemində işləyən proqram yeraltı təkanları izləmək üçün smartfonun akselerometrindən istifadə edir və toplanılmış məlumatları sonrakı analiz üçün Berkli Seysmoloji laboratoriyasına göndərir. İstehsalçıların əsas məqsədi istifadəçilərə zəlzələ ilə bağlı bir neçə dəqiqə ərzində xəbərdarlıq etməkdir. Bu vaxt sığınacaq tapmaq və zəlzələ vaxtı zərər görə bilən avadanlığı söndürmək üçün kifayətdir.

Proqram tərəfindən qeydə alına bilən minimum maqnituda 2.5-dir. Bu gün artıq 220 min istifadəçi sözügedən proqramı quraşdırıb.

Emil Hüseynov

Baxış sayı: 913