XƏBƏRLƏR

Tarix:24/12/16

2016-cı ilin ən mühüm elmi kəşfləri bəlli olub

"Science" jurnalı 2016-cı ilin ən mühüm elmi kəşflərini açıqlayıb. "LIGO Scientific Collaboration" adlı beynəlxalq layihəyə daxil alimlər tərəfindən qravitasiya dalğalarının aşkar edilməsi və Günəşə ən yaxın Proksima Sentavra ulduzunun yaxınlığında Yer kürəsini xatırladan planetin tapılması bu siyahıya əlavə edilib.

"ICTnews" Elektron Xəbər Xidməti lenta.ru saytına istinadən yazır ki, jurnalın əməkdaşları, həmçinin "Google DeepMind" şirkəti tərəfindən hazırlanmış "AlphaGo" süni intellektinin qo oyununda peşəkar oyunçu Li Sedol üzərində qələbəsini qeyd ediblər.

Orta yaşlı siçanlarda qocalmış hüceyrələrin ləğvinin ömrün uzunluğuna imkan yaratmasını sübut edən kəşf reytinqdə dördüncü yerdə qərarlaşıb.

Bundan başqa, zülalların xüsusiyyətlərini proqnozlaşdırmağa imkan verən kompüter proqramlarının hazırlanması və laboratoriya şəraitində toxum hüceyrələrindən canlı siçanların yetişdirilməsi reytinqə salınıb.

Emil Hüseynov

Baxış sayı: 1343