MARAQLI

Tarix:29/12/16

“Tesla” elektromobili digər avtomobillərin qəzasını əvvəlcədən müəyyənləşdirib

“Tesla Model X” elektromobili avtopilot rejimində qarşıda gedən avtomobilin törətdiyi qəza vəziyyətini uğurla əvvəlcədən müəyyənləşdirib.

“ICTnews” Elektron Xəbər Xidməti “Naked Science” resursuna istinadən yazır ki, 2014-cü ilin sentyabrından sonra buraxılan bütün “Tesla” elektromobilləri ön radar, 12 ön ultrasəsli məsafə ötürücüsü kamerası və GPS modulla təchiz edilib. İki il ərzində ötürücülər dəsti dəyişməz qalsa da, bu ilin yayında “Tesla Model S” avtopilot rejimində ilk dəfə ölümlə nəticələnən qəzaya uğrayandan sonra şirkət sistemi təkmilləşdirmək qərarına gəlib.

Dərc edilən video yeni avtopilot versiyasının işini nümayiş etdirir. Elektromobildən çəkilən videoçarxda əvvəlcə xəbərdaredici siqnalın işə düşməsi, sonradan irəlidə gedən avtomobilin qəfildən əyləcə basan qara rəngli yolsuzluq avtomobilindən yayınmağa çalışması eşidilir. Birinci maşının sürücüsü manevri tamamlamağa macal tapmayaraq qara rəngli avtomobillə toqquşur.

Çəkilişin aparıldığı elektromobil vaxtında əyləcə basıb. Maraqlıdır ki, avtopilotun səsli siqnalı toqquşma baş verməzdən əvvəl işə düşüb ki, bu da yenilənmiş iş sisteminin əyani nümayişidir. Kamera və radarların sayının artırılması sayəsində “Tesla” avtopilotu bundan sonra qarşıda gedən bir avtomobili yox, ikisini izləyəcək.

Nizam Nuriyev

Baxış sayı: 557