12px13px15px17px
Tarix:10/01/17

“Samsung” daşınan qurğuları “iOS” sistemini dəstəkləməyə başlayıb

Cənubi Koreyanın "Samsung" şirkəti "Gear S3", "Gear S2" "ağıllı" saatlarında və "Gear Fit2" idman bilərziyində əksər istifadəçilərin çoxdan gözlədiyi "Apple" smartfonları ilə sinxronlaşdırmanın dəstəklənməsini istifadəyə verib.

"ICTnews" Elektron Xəbər Xidməti "NEWSru" resursuna istinadən yazır ki, şirkətin saytında dərc edilən məlumata görə, yanvarın 7-dən etibarən qeyd olunan daşınan qurğu istifadəçiləri saatlar və ya bilərzik üçün proqramı "App Store" (Samsung Gear S və ya Gear Fit) əlavələr mağazasından yükləyərək onu "iPhone 5" və "iOS 9" əməliyyat sisteminin, eləcə də ondan yuxarı sistemlərin idarəetməsi ilə işləyən sonrakı "iPhone" modelləri üçün quraşdıra bilərlər.  

Əlavə quraşdırıldıqdan və işə salındıqdan sonra istifadəçilərdən "ağıllı" saatları və ya "Gear" bilərziyini smartfona qoşmaq tələb olunur. Sinxronlaşdırmadan sonra istifadəsi mümkün olacaq funksiyaların siyahısı qurğunun konkret modelindən asılı olacaq. Məsələn, istifadəçilər fiziki aktivlik, sərf edilən kalorinin miqdarı və ürək ritmi barədə məlumatlar əldə edə biləcəklər.

Xatırladaq ki, "Tizen" əməliyyat sisteminin idarəetməsi ilə işləyən "Gear S3" saatı ötən ilin sentyabrında "Classic" və "Frontier" versiyalarında təqdim olunub. Qurğunun hər iki versiyası 360*360 piksel təsvir ölçülü 1,3 düymlü dairəvi displey və "Gorilla Glass" qoruyucu şüşəsi ilə təchiz edilib. 1 QHs takt tezlikli ikinüvəli prosessor əsasında işləyən saatların operativ yaddaş tutumu 768 meqabayt, quraşdırılmış yaddaşı 4 giqabayt təşkil edir. "Ağıllı" saatların korpusu "IP68" standartı üzrə toza və suya davamlıdır. Saatların siferblatı ətrafındakı fırlanan halqa isə əvvəlki nəsil qurğularla müqayisədə təkmilləşdirilib.

Saatların daha bir xüsusiyyəti onlardan pleyer (musiqinin yüklənməsi üçün 2 giqabayt yaddaş ayrılıb) kimi istifadəyə imkan verən quraşdırılmış dinamikdir. Altimetr, barometr, "GPS" və "NFC" modulları ilə təchiz edilən modellər siferblatın daim göstərilməsi rejimini (Always-on display), eləcə də mətnin əllə yazılaraq daxil edilməsini dəstəkləyir. Tutumu 380 milliamper/saat təşkil edən akkumulyator saatları avtonom rejimdə dörd günədək işlə təmin edir.  

Nizam Nuriyev 




Baxış sayı: 198

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






25 Aprel 2018

24 04 2018

24/04/18
Ümumdünya Poçt İttifaqının yaz sessiyası Azərbaycan üçün uğurlu oldu

İsveçrənin Bern şəhərində keçirilən Ümumdünya Poçt İttifaqının (ÜPİ) yaz sessiyasında Azərbaycan Poçt Admin

24/04/18
“Nvidia” şəkillərdəki detalları tamamlamaq üçün süni intellekt texnologiyası hazırlayıb

“Nvidia” şirkəti tərəfindən süni intellekt əsasında hazırlanmış texnologiya şəklin zədələnmiş hissələrini 

24/04/18
“Samsung Galaxy Note7” smartfonu “Wi-Fi Alliance” sertifikatını alıb

“Wi-Fi Alliance” konsorsiumunun məlumat bazasında “Samsung Galaxy Note7” smartfonunun 

24/04/18
Kompakt “Nimbini v2” kompüteri təqdim edilib

Almaniyanın “Cirrus7” istehsalçısı “Intel” məntiqi əsasında işləyən kompakt “Nimbini v2” kompüter sist

24/04/18
“LG V30” smartfonuna süni intellekt inteqrasiya edilib

“ThinQ”  adlı proqram təminatı kameranın kadrında olan obyekti tanıyaraq çəkiliş üçün uyğun gələn rejimi 

24/04/18
“Google” şirkəti “Windows 10” sistemində təhlükəli boşluq aşkar edib

“Google's Project Zero” şirkətinin təhlükəsizlik mütəxəssisləri “Windows 10 S” əməliyyat sistemində orta 

24/04/18
“iPhone” smartfonlarında boşluq məlumatların oğurlanmasına şərait yaradır

Ekspertlər “iPhone” smartfonlarında qurğunun məsafəli idarəetməsi üçün istifadəyə imkan verən boşluq 

24/04/18
İnsan genomunun atlası yaradılıb

İsrailin Yerusəlim Yəhudi Universitetinin alimləri insan genlərinin və embrional gövdə hüceyrələrinin müasir 

24/04/18
Bill Qeyts, “Airbus” və “SoftBank” real vaxt rejimində yenilənən peyk xəritələrinə yatırım ediblər

Yer kürəsinin fasiləsiz videomüşahidəsini həyata keçirən peyk sistemi yaratmaq istəyən