XƏBƏRLƏR

Tarix:17/01/17

Bu sosial şəbəkənin proqramı şəkil üzrə diaqnoz qoyur

Amerikalı mütəxəssislər 5 yaşlı pasiyentdə nadir genetik xəstəlik diaqnozunu təsdiq etməyə nail olublar. Bu halda kompüter sözügedən diaqnostikaya 1 dəqiqə vaxt sərf edib.

“ICTnews” Elektron Xəbər Xidməti “hi-news.ru” saytına istinadən yazır ki, kompüter proqramına müraciətdən öncə "ənənəvi" diaqnostika metodlarından istifadə olunub. Amerikalı ailə öz uşağının xəstəliyinin səbəbini müəyyənləşdirmək üçün əlindən gələni edib. Qıcolma, çətin nəfəsalma və xroniki qulaq infeksiyaları şəklində aşkar simptomlara baxmayaraq, heç bir həkim əsl diaqnozu təyin edə bilməyib. Mütəxəssislərə çoxsaylı müraciətlər və maqnit rezonans tomoqrafiyasının keçirilməsi, həmçinin molekulyar analizlər heç bir nəticə verməyib.

Bundan sonra valideynlər genetik pozulmalar üzrə analiz vermək qərarına gəliblər. Nəticə müsbət olub: analiz “ARID1B” genində nasazlıq aşkar edib ki, bu da Koffin-Siris xəstəliyinin mövcudluğu deməkdir. Mütəxəssislər iddia edirlər, bu xəstəlik üçün qeyri-bərabər saç örtüyü, həmçinin çeçələ barmaqların deformasiyası tipikdir, bu da indiki vəziyyətdə müşahidə olunmayıb, buna görə diaqnostika prosesi asan olmayıb.

Ən maraqlısı odur ki, xəstəliyin səbəbi müəyyənləşdirildikdən sonra həkimlər “Facebook”un mütəxəssisləri tərəfindən hazırlanmış “Face2Gene” kompüter proqramını sınaqdan keçirməyə qərar veriblər. Sözügedən proqram pasiyentin şəklindən istifadə etməklə iki dəqiqə ərzində eyni diaqnozu qoyub.

Emil Hüseynov

Baxış sayı: 721