12px13px15px17px
Tarix:17/01/17

Avstraliya startapı düşüncənin gücü ilə uzaq məsafədən idarə olunan robot yaradıb

Avstraliyanın “Aubot” startapı dünyada düşüncənin gücü ilə uzaq məsafədən idarə olunan ilk kommersiya robotu hazırlayıb. Bu robot məhdud qabiliyyətli bir çox insanın həyatını dəyişmək qabiliyyətinə malikdir.
“Teleport” adlandırılmış robot kiçik təkərli platformada qurulmuş teleskopik dayağa bərkidilmiş sensor ekranlı planşet formasındadır. Bu platforma maneələrdən xilas olmağa imkan verən sensorlarla təchiz edilib və robotu asanlıqla maşının arxa oturacağında yerləşdirmək mümkündür.

“ICTnews” Elektron Xəbər Xidməti “hitech.newsru.ru” saytına istinadən yazır ki, fərdi kompüterdə brauzer üzərindən və ya “Android” smartfonunun köməyi ilə robotu məsafədən idarə etmək mümkündür. Əlləri əlil olan istifadəçilər “MindWave” interfeysi vasitəsilə robotu idarə edə bilər: dəyəri 100 dollardan az olan xüsusi qurğu insanın başına bərkidilir. “MindWave” interfeysi vasitəsilə “Teleport” robotunu idarə etmək üçün lazımi konsentrasiya səviyyəsinə nail olmaq lazımdır, gözləri qırpmaqla, həmçinin ağızdakı kontroller vasitəsilə komanda vermək mümkündür.

Hazırda “Teleport” robotu Avstraliyada satılır və dəyəri təxminən 2900 dollardır. Bu halda robotun yaradıcıları robotu manipulyatorla təchiz etməklə onun imkanlarını xeyli genişləndirməyi planlaşdırırlar. Həmçinin şirkət “Teleport” robotunun köməyi ilə onkoloji xəstəliklərdən əziyyət çəkən uşaqların məktəb məşğələlərində iştirakına imkan vermək üçün  “CanTeen” təşkilatı ilə əməkdaşlıq edir.

Emil Hüseynov






Baxış sayı: 492

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024