12px13px15px17px
Tarix:25/01/17

“Nokia Heart” ucuz qurğular sinfinə aid olacaq

Bu il Finlandiyanın “HMD Global” şirkətinin əfsanəvi “Nokia” brendi ilə altı və ya yeddi mobil qurğu təqdim edəcəyi gözlənilir. Yanvarın əvvəlində Çin istifadəçiləri arasında böyük populyarlıq qazanan ucuz qurğular sinfinə aid “Nokia 6” smartfonu təqdim olunub. Bundan başqa, təqdimatı gələn ay “MWC 2017” sərgisində nəzərdə tutulan səkkiznüvəli “Snapdragon 835” prosessoru əsasında işləyən qabaqcıl smartfon, eləcə də yüksək sinfə aid 18,4 düymlü planşet haqqında məlumatlar yayılıb. Bu dəfə isə “Nokia” brendi ilə ucuz sinfə aid növbəti yeni qurğunun “Heart” adlı 5,2 düymlü smartfon olacağı bildirilir.

“ICTnews” Elektron Xəbər Xidməti “4PDA” resursuna istinadən yazır ki, “Nokia Heart” 5,2 düymlü HD formatlı ekran, səkkiznüvəli “Qualcomm Snapdragon 430” prosessoru, “Adreno 505” qrafik sürətləndiricisi, 2 giqabaytlıq operativ, 16 giqabaytlıq quraşdırılmış yaddaş, 12 meqapikselli əsas və 7 meqapikselli ön kamera ilə təchiz ediləcək (kameranın təsvir ölçüsü müvafiq olaraq 13 və 8 meqapiksel ola bilər). Əməliyyat sistemi kimi “Android 7.0 Nougat” göstərilib.

Smartfonun fevralın 26-da Barselonada (İspaniya) “Mobile World Congress 2017” sərgisi çərçivəsində digər yeni qurğularla birlikdə nümayiş olunacağı gözlənilir.

Qeyd edək ki, “HMD Global” dünyanın aparıcı texnoloji şirkətləri, o cümlədən “Nokia”, “FIH Mobile Limited” (FIH) və “Google” ilə əməkdaşlığı nəzərdə tutan unikal strateji tərəfdaşlıq modeli hazırlayıb. Gələcək “Nokia” smartfonları hazırda dünya smartfonlarının 86 faizində quraşdırılan “Google” şirkətinin “Android” mobil əməliyyat sisteminin idarəetməsi ilə işləyəcək.  
 
Nizam Nuriyev 




Baxış sayı: 488

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024