12px13px15px17px
Tarix:26/01/17

“Instagram” onlayn yayım funksiyasını istifadəyə verir

Ötən ilin noyabrında şəkil və video mübadiləsi üçün məşhur “Instagram” xidmətinin tərtibatçıları “Instagram Stories”in bir hissəsi olan “Live Stories” onlayn yayım funksiyasını təqdim ediblər. “Live Stories” funksionallıq baxımından “Twitter”in “Periscope” funksiyasının analoqudur. Bir neçə ay ərzində onlayn yayım amerikalı istifadəçilərə əlçatan olub, amma indi növbəti həftənin sonuna kimi “Live Stories” bütün dünyada əlçatan olacaq. Qeyd edək ki, sözügedən funksiyanın işləməsi üçün 10.0 və yuxarı versiya tələb olunur.

“ICTnews” Elektron Xəbər Xidməti “4pda.ru” saytına istinadən yazır ki, onlayn yayım funksiyasını işə salmaqdan ötrü əsas ekrandan sağ tərəfə svayp (barmağı sensor ekrandan çəkmədən sürüşdürmə) edərək “Tarixçə”ni açmaq, sonra yayımı başlatmaq üçün sağ tərəfə daha bir svayp etmək lazımdır. Hansısa istifadəçi onlayn yayımı işə saldığı halda başqa istifadəçilər onun profilinin ikonkasında "live" yazısını görürlər. Tamaşaçılar real vaxt rejimində şərhlər yaza və layk edə bilərlər. Yayım başa çatdıqdan sonra yazı avtomatik silinəcək.

Emil Hüseynov






Baxış sayı: 480

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024