XƏBƏRLƏR

Tarix:26/01/17

Uşaqların kompüter qarşısında keçirəcəkləri vaxt məlum olub

Böyük Britaniya alimləri uşaqların və yeniyetmələrin sağlamlığına ziyanın qarşısını almaq üçün onların gün ərzində kompüter qarşısında keçirə biləcəkləri vaxtı açıqlayıblar.

"ICTnews" Elektron Xəbər Xidməti "DNI24" resursuna istinadən yazır ki, 120 mindən çox uşağın iştirak etdiyi tədqiqatın təşəbbüskarı qismində Oksford Universitetinin elmi əməkdaşları çıxış ediblər. Tədqiqat çərçivəsində gənc respondentlər arasında onların boş vaxtlarında nə ilə məşğul olmalarını, qurğulara nə qədər vaxt sərf etmələrini, eləcə də nəyə maraq göstərmələrini müəyyənləşdirmək məqsədilə sorğu keçirilib. Uşaqlar bildiriblər ki, onlar minimum vaxtı kompüter və televizora sərf edirlər. Smartfonlarla bağlı vəziyyət isə bunun əksini göstərib.

Alimlər qeyd edir ki, uşaqlar, eləcə də yeniyetmələr gündə 100 dəqiqədən çox kompüter oyunları oynamamalı, smartfonlara 117 dəqiqədən çox vaxt sərf etməməlidirlər. Yetişməkdə olan nəslin televizora baxması üçün mütəxəssislər 221 dəqiqə ayırıb.

Mütəxəssislər qlobal şəbəkədə 257 dəqiqə keçirməyi məsləhət görürlər. Bu hal normadan yüksək odluqda isə əsəb sistemi yüklənərək mənfi nəticələrə gətirib çıxara bilər.

Nizam Nuriyev

Baxış sayı: 736