12px13px15px17px
Tarix:09/02/17

“Google” şirkətinin süni intellekti bir neçə piksel əsasında şəkli bərpa edir

“Google Brain” elmi tədqiqat layihəsinin komandası neyron şəbəkəsi əsasında 64 pikseldən ibarət mənbədən şəkli yenidən yarada bilən kompüter alqoritmi hazırlayıb.

“ICTnews” Elektron Xəbər Xidməti “hitech.vesti.ru” saytına istinadən yazır ki, aşağı keyfiyyətli (8x8 piksel) bulanıq şəkil mənbə rolunda çıxış edir. Neyron şəbəkəsi ilkin emal mərhələsində başqa yüksək keyfiyyətli şəkillər tapır və onların ölçüsünü 8x8 pikselədək azaldaraq ümumi əlamətlər axtarır. “Google Brain” komandasının alqoritmi ikinci mərhələdə yüksək keyfiyyətli şəklin detallarını maksimum canlandırmağa çalışır.

Məsələn, neyron şəbəkəsi şəklin yuxarı hissəsində qəhvəyi piksellərdən ibarət cərgə gördüyü halda onun qaş olduğunu düşünə və  yenidən yarada bilər. Bu halda bilmək lazımdır ki, kompüter tərəfindən yenidən yaradılmış şəkil həqiqi deyil. “Google”un neyron şəbəkəsi gördüyü nümunələrə əsaslanaraq şəkli yenidən yaradır.

Emil Hüseynov




Baxış sayı: 499

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024