XƏBƏRLƏR

Tarix:27/02/17

Dronlar təbii fəlakətlərdən sonra rabitəni bərpa edəcəklər

ABŞ-ın “AT&T” telekommunikasiya şirkəti uçuşdan sonra mobil rabitə stansiyası funksiyalarını yerinə yetirəcək bənd edilən pilotsuz uçan aparatın sınaqlarını keçirib. Aparatlardan təbii fəlakətdən ziyan çəkən ərazilərdə rabitənin tez bərpası üçün istifadə nəzərdə tutulur.

“ICTnews” Elektron Xəbər Xidməti “N+1” resursuna istinadən yazır ki, daşqın, qasırğa və ya zəlzələ nəticəsində geniş ərazilər mobil rabitədən məhrum olur və müxtəlif xidmətlərin yaşayış infrastrukturunun bərpası və içməli suyun verilməsi sistemləri daxil olmaqla bir neçə mühüm məsələni həll etdiklərinə görə kommunikasiyaların tez bərpası üçün çoxlu vaxt tələb olunur.

Məlumata görə, “Flying COW” (Flying Cell on Wings) adlanan yeni dronlar zədələnən yerüstü mobil rabitə qüllələri işlək vəziyyətə gətirilməzdən və şəbəkəyə qoşulmazdan əvvəl rabitənin operativ bərpasına imkan verir. Yeni pilotsuz uçan aparatın sınaqları fevralın ortalarında Atlanta şəhərinin (Corciya ştatı) ətrafında keçirilib.

Aparat 104 kvadrat km. ərazidə dayanıqlı rabitəni təmin edə bilən “LTE” standartlı siqnalın ötürülməsi və qəbulu avadanlığı ilə təchiz edilib. Bu ölçüdə əhatə dairəsini 91 metr hündürlükdə uçan dron təmin edir. Məlumatların ötürülməsi üçün “Flying COW” peyk rabitəsindən istifadə edir.

Bildirilir ki, “AT&T” şirkətinin təmir briqada avtomobillərinin yeni pilotsuz aparatlarla təchiz edilməsi planlaşdırılır. Mobil rabitədən məhrum olan yerə gələn briqadalar bənd edilən dronu buraxaraq rabitəni bərpa etməklə yerüstü avadanlığın bərpası ilə məşğul olacaqlar.

Nizam Nuriyev

Baxış sayı: 423