12px13px15px17px
Tarix:10/03/17

“Samsung” şirkəti “Galaxy S8” və “S8+” smartfonlarında “Infinity Display” adlı yeni ekrandan istifadə edəcək

Cənubi Koreyanın “Samsung” şirkəti “Galaxy S8” və “Galaxy S8 Plus” smartfonlarına hazırlanmış yeni displeylər üçün patenti qeydiyyatdan keçirib. “Samsung”un qabaqcıl modelləri üçün hazırlanmış yeni displeylər “Infinity Display” adlandırılıb.

“ICTnews” Elektron Xəbər Xidməti “dni24.com” saytına istinadən yazır ki, məlumata görə, “Samsung” şirkətinin nümayəndələri ABŞ-ın Patent və Əmtəə Nişanları İdarəsinə “USPTO”) “Infinity Display” adlı yeni brendin qeydiyyatı üçün ərizə veriblər. Ekspertlərin fikrincə, yeni həll “Galaxy S8” və “Galaxy S8 Plus” smartfonlarının son modellərində tətbiq ediləcək.

“Samsung” şirkəti tərəfindən artıq təqdim edilmiş “Galaxy S8” modelində ekran, demək olar ki, bütün ön paneli tutur, buna görə yeni “Infinity Display” ekranlarının tətbiqi başadüşüləndir.

Cənubi Koreya istehsalçısının məlumatına görə, cari ilin 10 aprel tarixindən etibarən yeni “Infinity Display” ekranları üçün ilkin sifarişlərin qəbuluna başlanılacaq, iki həftə sonra isə sözügedən ekranlar satışa çıxarılacaq.

Emil Hüseynov




Baxış sayı: 347

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024