12px13px15px17px
Tarix:16/03/17

Qurğuların tez enerji ilə doldurulması üçün portativ akkumulyator hazırlanıb

Tayvanın smartfon istehsalçısı - “HTC Corporation” şirkəti müasir qurğuların tez enerji ilə doldurulması üçün portativ akkumulyator batareyası hazırlayıb. Rahat və kompakt olan akkumulyatorda qurğuları tez enerji ilə doldurmağa imkan verən “Qualcomm Quick Charge 3.0” texnologiyası tətbiq edilib.

“ICTnews” Elektron Xəbər Xidməti “DNI24” resursuna istinadən yazır ki, müasir smartfon istifadəçiləri üçün akkumulyatorların tutumu ilə bağlı problem böyük əhəmiyyət kəsb edir. Məlum olduğu kimi, mürəkkəb müasir proqram təminatları, eləcə də video proqram və internetdən istifadə quraşdırılmış akkumulyatorların enerjisinin sürətlə sərf edilməsinə səbəb olur. Məhz buna görə Tayvan istehsalçısı “HTC” qurğularından istifadə edənlərin rahatlığı üçün elektrik şəbəkəsindən istifadə mümkün olmadığı halda qurğunun enerji ilə doldurulmasını təmin edən portativ enerjidoldurma qurğusu təklif edir.  

Məlumata görə, yeni “HTC” akkumulyatorunun çəkisi 180 qram, ölçüsü 10х6 sm, tutumu 10050 milliamper/saat təşkil edir. Smartfonu “USB” çıxışları vasitəsilə qoşmaq mümkündür. Enerjinin səviyyəsini 4 işıq diodunun göstərdiyi qurğunun qiyməti 65 dollara yaxındır.

Nizam Nuriyev 




Baxış sayı: 315

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024