XƏBƏRLƏR

Tarix:28/03/17

Sifətin tanınması texnologiyaları nadir genetik xəstəliklərin diaqnostikasında kömək edəcək

ABŞ Milli İnsan Genomu Araşdırmaları İnstitutunun alimləri sifətin təhlili sisteminin köməyi ilə nadir irsi xəstəliklərin erkən diaqnostikasını aparmağı öyrəniblər. Alimlər tərəfindən hazırlanmış alqoritm uşaqlarda Di Corc sindromunu 96,6% dəqiqliklə müəyyənləşdirir. Bu xəstəlik kifayət qədər tez-tez (6000 sağlam uşaqdan birində) rast gəlinir. Ancaq çətinlik ondan ibarətdir ki, xəstəliyin xarici əlamətləri irqdən və hətta yaşayış regionundan asılı olaraq dəyişə bilər.

“ICTnews” Elektron Xəbər Xidməti 4pda.ru saytına istinadən yazır ki, bir çox genetik xəstəliklər əlamətlər uyğunluğuna malikdir. Bu və ya digər əlamət ayrı-ayrılıqda hətta sağlam insanda müşahidə edilə bilər, ancaq bir neçə əlamətin uyğunluğu diaqnozu müəyyənləşdirilməmiş xəstəliyin mövcudluğundan xəbər verir. Xəstə uşağı istənilən infeksiyaya qarşı həssas edən ilkin immun çatışmamazlığından savayı Di Corc xəstəliyi kəllənin inkişafında özünəməxsus dəyişikliklərlə müşahidə edilir. Bu dəyişikliklər qurğunun kamerası vasitəsilə xüsusi hazırlanmış proqramla qeydə alınır və patologiyanın mövcudluğu ehtimalını göstərir. Əvvəlki kimi yekun diaqnozun qoyulması üçün xüsusi genetik test keçirmək və həkimlə məsləhətləşmək lazımdır.

Emil Hüseynov

Baxış sayı: 345