12px13px15px17px
Tarix:30/03/17

“Telegram”da səsli zənglər funksiyası istifadəyə verilib

Populyar “Telegram” messencerində səsli zənglər funksiyası istifadəyə verilib.

“ICTnews” Elektron Xəbər Xidməti “NEWSru” resursuna istinadən yazır ki, hazırda sınaqlarının keçirilməsi barədə martın ortalarında məlum olan funksiyadan Qərbi Avropada (ölkələrin siyahısı qeyd olunmayıb) messencerin “iOS” və “Android” qurğu istifadəçiləri yararlana bilərlər. Lakin tezliklə digər istifadəçilərin də zəng etmək imkanı əldə edəcəkləri bildirilir.

Şirkət nümayəndələri qeyd ediblər ki, yeni funksiya zənglərin şifrlənməsini dəstəkləyir.

Zənglər edilən zaman proqram istifadəçilərin bağlantı parametrlərini avtomatik müəyyənləşdirəcək və ondan asılı olaraq səsli rabitənin keyfiyyətini sazlayacaq. Həmçinin, sazlamalarda rabitə keyfiyyətinin aşağı salınması sayəsində trafikin həcminin azaldılmasını avtomatik etməyə imkan verən ayrıca funksiya yer alıb.

Bundan başqa, funksiyanın sazlamaları istifadəçiyə ona “Telegram” vasitəsilə zəng edə biləcək şəxslərin əhatəsini müəyyənləşdirmək üçün şərait yaradır. Məsələn, yalnız kontaktlar siyahısında olan insanlara zəng etməyə icazə vermək və ya belə insanlar üçün ayrıca siyahı, eləcə də “qara siyahı” yaratmaq mümkündür.

Nizam Nuriyev 




Baxış sayı: 41

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Fevral 2020

24/02/20
Avropa İttifaqında süni intellekt sahəsinin tənzimlənməsi üzrə plan hazırlanıb

Avropa Komissiyası süni intellekt sənayesi üçün tənzimləyici norma və tələblərin yaradılması üzrə plan tə

24/02/20
Ən sürətli internet hansı ölkədədir?

“WebsiteToolTester” şirkəti hesabat dərc edərək ən sürətli internetin olduğu dünya ölkələrinin siyahısını

23 02 2020