XƏBƏRLƏR

Tarix:07/06/17

Dünyada ən tutumlu batareya ilə təchiz edilmiş smartfon satışa çıxarılıb

Çinin “OUKITEL” şirkəti yeni “K10000 Pro” smartfonunu təqdim edib.

“K10000 Pro” smartfonunda akkumulyator batareyasının tutumu adından göründüyü kimi, 10 min milliamper/saat təşkil edir. Bu o deməkdir ki, gözləmə rejimində smartfon 770 saatadək və ya 33 gün işləyə bilir. Güclü adapter sayəsində 2,5 saat ərzində aparatın akkumulyatorunu 100% səviyyəsində enerji ilə doldurmaq olar.

“ICTnews” Elektron Xəbər Xidməti “hi-news.ru” saytına istinadən yazır ki, “K10000 Pro”, həmçinin istifadəçiləri öz görünüşü və məhsuldarlığı ilə heyrətləndirir. Smartfon təbii buzov dərisindən işlənib və metal korpusa malikdir, 3 QB əməli yaddaş, “ARM Mali-T860” qrafik çipi və səkkiznüvəli “MT6750T” prosessoru ilə təchiz edilib.

“OUKITEL K10000 Pro” smartfonunun qiyməti 219,99 dollardır, aksiya çərçivəsində 179,99 dollara satın almaq olar.

Emil Hüseynov

Baxış sayı: 326