12px13px15px17px
Tarix:12/07/17

“Fujitsu” şirkəti təhlükəsiz smartfon təqdim edib

Yaponiyanın "Fujitsu" şirkəti tərəfindən təqdim edilmiş "Arrows M04" smartfonu yüksək təhlükəsizlik səviyyəsinə malikdir.
 
"ICTnews" Elektron Xəbər Xidməti "dailycomm.ru" resursuna istinadən yazır ki, qurğu "IP65/68" (cihaz su və toza qarşı, həmçinin 1,5 metr  hündürlükdən yerə düşməyə dayanıqlıdır) və "MIL-STD-810G" sertifikatlarına malikdir. Sonuncu sertifikat ekstremal temperatur, qum tufanları, donma və günəş radiasiyasının təsirindən qorumanı nəzərdə tutur. Bundan başqa, istehsalçının məlumatına görə, çimərkən "Arrows M04" smartfonundan cəsarətlə istifadə etmək olar. Hətta cihazı yuyucu vasitələrlə yumaq olar.
 
Smartfon "Qualcomm Snapdragon 410" prosessoru, 2 QB-lıq əməli və 16 QB-lıq daxili yaddaş, 2 ədəd kamera (13,1 və 5 meqapiksellik) və 2580 milliamper/saat tutumunda akkumulyator batareyası ilə təchiz edilib.
 
5 düymlük displeyin təsvir ölçüsü 1280x720 piksel təşkil edir. 8 mm-lik aparatın qalınlığı 148 qramdır. Həmçinin teleskopik televizor antenasının mövcudluğunu  qeyd etmək lazımdır.
 
Hazırda "Fujitsu Arrows M04" modelinin satışa çıxarılma tarixi və qiyməti məlum deyil.
 
Emil Hüseynov




Baxış sayı: 106

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






25 Sentyabr 2017

24 09 2017