12px13px15px17px
Tarix:10/10/11

“Android” smartfon bazarında hökmranlıq edir

“ComScore” şirkəti avqust ayına görə mobil telefon və smartfonların Amerika bazarı üzrə statistikasını dərc edib.

Elan edilmiş göstəricilər 30 min abunəçidən toplanmış məlumatlara əsaslanır. ABŞ-da 13 yaşdan yuxarı təxminən 234 milyon insan mobil aparatlardan istifadə edir.

“Samsung” şirkətinin texnikasına daha çox maraq edir: onun payı 25,3% təşkil edir. 21,0% göstərici ilə “LG Electronics” şirkəti ikinci yeri tutur və 14,0% göstərici ilə isə “Motorola” üçlüyü tamamlayır. Sonra “Apple” və “Research İn Motion” gəlir, onların payları müvafiq olaraq 9,8 və 7,1%-ə bərabərdir.

Son 3 ay ərzində ABŞ-da smartfon sahiblərinin sayı 10% artaraq, 84,5 milyon olub. “Google Android” əməliyyat sisteminin payı 5,6% artıb: bu mobil platforma hal-hazırda Amerika smartfon bazarının 43.7%-ni tutur.

İkinci yeri 27,3% göstərici ilə “Apple iOS” tutur. “RİM”, “Microsoft” və “Symbian”-ın mobil əməliyyat sistemləri bazarda müvafiq olaraq 19.7, 5.7 və 1.8% tuturlar.



Baxış sayı: 1557

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






04 Mart 2024

03 03 2024