XƏBƏRLƏR

Tarix:24/07/17

“Paint” redaktorunun dəstəklənməsi dayandırılacaq

“Microsoft” korporasiyası ilk dəfə 1985-ci ildə təqdim edilən “Paint” qrafik redaktorunun dəstəklənməsini dayandıracaq.

“ICTnews” Elektron Xəbər Xidməti “Rambler” resursuna istinadən yazır ki, payızda buraxılacaq növbəti “Windows 10 Fall Creators Update” proqram yenilənməsi siyahısında qrafik redaktor “köhnəlmiş” əlavələr siyahısına daxil edilib. Bu isə o deməkdir ki, üzərində aktiv iş aparılmayan proqram növbəti yeniləmə buraxılışlarında ləğv edilə bilər.

Bu ilin aprelində “Windows 10 Creators Update” proqram yenilənməsində “Microsoft” özündə üçölçülü şəkillərin yaradılması üçün alətləri birləşdirən “Paint 3D” qrafik redaktorunu təqdim edib. Lakin bunun “Paint” üçün yeniləmə olmadığı bildirilir.

Nizam Nuriyev

Baxış sayı: 441