12px13px15px17px
Tarix:17/08/17

“Intel” yeni nəsil prosessorlarının anonsunu verib

“Intel” şirkəti 10 nanometrlik texnoloji proses normalarına riayət edilməklə hazırlanmış çiplərin (“Cannon Lake” arxitekturası) tədarükünə başlamasa da, amma artıq növbəti nəsil platformanın adını açıqlayıb. Firmanın saytında yazılıb ki, “Ice Lake” – bu, “Intel Core” prosessorlar ailəsinin 8-ci nəslinin varisidir və 10 nanometrlik texnoloji proses üzrə hazırlanıb.
 
“ICTnews” Elektron Xəbər Xidməti hitech.vesti.ru saytına istinadən yazır ki, bu halda 8-ci nəsil “Core” çipləri hələ elan edilməyib. “Intel” şirkəti bir müddət əvvəl bildirmişdi ki, “Coffee Lake” kod adlı 14 nanometrlik CPU rəsmən 21 avqust tarixində təqdim ediləcək.
 
“Intel” şirkətinin yeni həllərinin təqdimetmə tarixi qarmaqarışıqdır. Ehtimal ki, şirkət gələn həftə vəziyyətə aydınlıq gətirəcək, indi isə belə fərz etmək olar ki, “Cannon Lake” smartfon və planşetlərə quraşdırmaq üçün nəzərdə tutulmuş 10 nanometrlik çiplərin 1-ci nəsli olacaq. “Coffee Lake” arxitekturasını əvəz edəcək “Ice Lake” isə masaüstü qurğular üçün nəzərdə tutulur.
 
Emil Hüseynov




Baxış sayı: 331

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024