XƏBƏRLƏR

Tarix:17/08/17

“ASUS ZenFone 4” və “ZenFone 4 Pro” smartfonları rəsmən təqdim edilib

“ASUS” şirkəti Tayvanda “ZenFone 4” və “ZenFone 4 Pro” smartfonlarını təqdim edib. Hər iki smartfon qabaqcıl ikiqat kameralarla təchiz edilib.

“ICTnews” Elektron Xəbər Xidməti ferra.ru saytına istinadən yazır ki, “ZenFone 4” smartfonu “Full HD” (1920x1080 piksel) təsvir ölçülü 5,5 düymlük “IPS+” ekranla təchiz edilib. İkiqat kameranın əsas modulunun təsvir ölçüsü 12 meqapiksel, köməkçi sensorda isə 8 meqapikseldir. Ön kameranın təsvir ölçüsü 8 meqapikseldir. Smartfon “Qualcomm Snapdragon 660” prosessoru ilə təchiz edilib. Həmçinin “Snapdragon 630” prosessoru tətbiq edilmiş versiya mövcuddur. Birinci versiya 6 QB, ikinci versiya isə 4 QB əməli yaddaşa malikdir. Daxili yaddaş isə 64 QB-dır. Akkumulyatorun tutumu 3300 milliamper/saat təşkil edir. “4G LTE Cat”, “Wi-Fi (802.11ac)” rabitə modulları dəstəklənir, “NFC”, barmaq izləri skaneri mövcuddur.

“ZenFone 4 Pro” smartfonu “Full HD” (1920x1080 piksel) təsvir ölçülü 5,5 düymlük “AMOLED” ekran, “Qualcomm Snapdragon 835” prosessoru, 6 QB əməli yaddaş və 128 QB-dək fləş yaddaşla təchiz edilib. 16 meqapiksellik əsas kamera, həmçinin “Sony IMX362” sensoru ilə tcəhiz edilib. Akkumulyatorun tutumu 3600 milliamper/saat təşkil edib.

Hər iki cihaz “Android 7.1.1 Nougat” mobil əməliyyat sisteminin idarəetməsi altında işləyir. “ZenFone 4” aparatının qiyməti 399 dollar, “ZenFone 4 Pro” isə 599 dollardan başlayır.

Emil Hüseynov

Baxış sayı: 355