MARAQLI

Tarix:21/08/17

Jest dilinin avtomatlaşdırılmış tərcüməçisi çap edilib

Antverpen Universitetindən olan mühəndislər komandası avtomatlaşdırılmış tərcüməçi hazırlayıblar. “Project Aslan” adlandırılmış robotun birinci versiyası 3D çap texnologiyasının köməyi ilə yaradılıb və mətni tərcümə edə bilir, ancaq istehsalçıların əsas məqsədi jest dilinin bütün çətinliyini çatdıran iki ələ və ifadəli üzə malik robot yaratmaqdır.

“ICTnews” Elektron Xəbər Xidməti naked-science.ru saytına istinadən yazır ki, indi “Project Aslan” adlı robot şəbəkəyə qoşulmuş kompüterə birləşdirilmiş avtomatlaşdırılmış əl formasındadır. Robot əl istifadəçilər tərəfindən lokal şəbəkə üzrə göndərilən mətn mesajlarını jestlərlə ifadə edir. Hazırda robot tərəfindən istifadə olunan əlifba sistemində hər bir hərfə xüsusi jest uyğun gəlir.

Robot əli 3D printerdə çap edilmiş 25 plastik detal, 16 servomühərrik, 3 ədəd kontroller və “Arduino Due” mikrokompüterindən ibarətdir. İstehsalçılar bəyan ediblər ki, bütün detalların çapına 139 saat, quraşdırılmaya isə 10 saat vaxt sərf olunur.

Onların məlumatına görə, jest dilinin avtomatlaşdırmış tərcüməçisi kar insan tərcüməçisiz qaldığı məkanda (məsələn, məhkəmə zalında) istifadə edilə bilər.

Emil Hüseynov

Baxış sayı: 561