XƏBƏRLƏR

Tarix:30/08/17

Mühafizəli “Ulefone Armor 2” smartfonunun sınaqları keçirilib

Mühafizəli “Ulefone Armor 2” smartfonunun möhkəmliyini sübut edən real sınaqlar keçirilib.

“ICTnews” Elektron Xəbər Xidməti “Ferra” resursuna istinadən yazır ki, “IP68” standartlı mühafizəyə (qurğu suyun 1,5 metr dərinliyində 1 saat, 1 metr dərinliyində isə 24 saat işləyir) malik smartfon suyadavamlı olmaqla yanaşı, toz keçirmir və zərbələrə qarşı dayanıqlıdır. “Gorilla Glass 3” qoruyucu şüşəsi ilə təchiz edilən “Ulefone Armor 2” 40-80 dərəcə temperatur diapazonunda işləyir.

Məlumata görə, səkkiznüvəli “Helio P25” prosessoru ilə işləyən smartfon 6 giqabaytlıq operativ və 64 giqabaytlıq quraşdırılmış yaddaşla təchiz olunub. Ekranın təsvir ölçüsü 1920 х 1080 piksel təşkil edir. 4700 milliamper/saat tutumlu akkumulyator uzunmüddətli avtonom işi təmin edir. Bundan başqa, “PE+2.0” sürətli enerjidoldurma texnologiyası nəzərdə tutulub.

Qurğuda fotoşəkillərin çəkilişi 16 meqapikselli əsas və 13 meqapikselli ön kamera vasitəsilə həyata keçirilir. “NFC” modulu ilə təchiz edilən “Ulefone Armor 2” ayrıca SOS düyməsinə və daktiloskopik ötürücüyə malikdir.

Smartfonu boz və qızılı rənglərdə əldə etmək mümkündür.

Nizam Nuriyev

Baxış sayı: 447