12px13px15px17px
Tarix:21/09/17

“Google” eksperimental şəhər tikəcək

“Google” korporasiyası şəhər mühitində yüksək texnologiyalı unikal innovativ yaşayış məntəqəsinin inşası ilə məşğul olacaq “Sidewalk Labs” şirkətini təsis edib.

“ICTnews” Elektron Xəbər Xidməti “Populyarnaya Mexanika” resursuna istinadən yazır ki, 2001-2008-ci illərdə Nyu-York merinin iqtisadi inkişaf üzrə müavini işləyən şirkət rəhbəri Deniel Doktoroff hazırda ABŞ-ın bir sıra şəhərləri üçün müxtəlif media platformalarının yaradılması üzrə layihələrə rəhbərlik edir.

Məlumata görə, eksperimental yaşayış məntəqəsində “Sidewalk Labs” şəhər mühiti sahəsində əhalinin yaşayış keyfiyyətini artırmaqla ekoloji şəraiti yaxşılaşdırmağa imkan verən yüksək texnologiyalı innovasiyalardan istifadəni planlaşdırır. Texnologiyalar təkcə nəqliyyat və infrastrukturu deyil, sosial sahə və idarəetmə sistemini əhatə edəcək.

Bildirilir ki, əvvəlcə şirkət poliqonda olduğu kimi, bütün texnoloji həllərin sınaqdan keçirildiyi kiçik ərazinin inşasını nəzərdə tutur. D. Doktoroffun sözlərinə görə, ərazi sonradan kompleks innovasiya laboratoriyasına çevriləcək bütöv şəhər olacaq. Unikal şəhərin harada inşa ediləcəyi barədə məlumat verilmir.

Nizam Nuriyev 




Baxış sayı: 263

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024