12px13px15px17px
Tarix:29/09/17

“Apple” şirkəti “Face ID” texnologiyasının gözlənilməz xüsusiyyətləri haqda xəbərdarlıq edib

“Apple” şirkəti yaşı 13-dən aşağı olan istifadəçilərə yeni “iPhone X” smartfonlarında sifətin tanınması sistemindən istifadə etməməyi tövsiyə edir. Bu barədə şirkət tərəfindən dərc edilmiş “Face ID” üçün təhlükəsizlik kitabçasında yazılıb.

“ICTnews” Elektron Xəbər Xidməti “lenta.ru” saytına istinadən yazır ki, korporasiyadan verilən məlumata görə, insanın üz görünüşünün unikal xüsusiyyətləri 13 yaşadək formalaşır. “Apple”, həmçinin əkizlərə “Face ID” texnologiyasından istifadə etməyi tövsiyə etmir, çünki “iPhone X” smartfonunun blokdan çıxarılması zamanı yanlışlıqlar olması istisna deyil.

“Apple” 12 sentyabr tarixində “iPhone X” smartfonunun təqdimatında yeni “Face ID” mühafizə sistemini nümayiş etdirib. Bu texnologiya istifadəçinin sifətinin həcmli modelinin yaradılması üçün infraqırmızı skanetmə metodundan istifadə edir. Şirkətin nümayəndələrinin sözlərinə görə, “Face ID” texnologiyası qaranlıqda da işləyir.

Emil Hüseynov




Baxış sayı: 263

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024