XƏBƏRLƏR

Tarix:02/10/17

“Google Drive” servisi “Files” proqramını dəstəkləməyə başladı

"Google" şirkəti faylların saxlanılması üçün nəzərdə tutulmuş "Google Drive" proqramını yeniləyib və indi o, "iOS 11" mobil sistemində işləyən "Files" proqramını dəstəkləyir. Bu haqda "Apple Insider" nəşri məlumat yayıb.

"ICTnews" Elektron Xəbər Xidməti "macdigger.ru" saytına istinadən yazır ki, vaxt ötdükcə servislərin bir çoxu "Files" proqramını dəstəkləyir. Sözügedən proqramı dəstəkləyən ilk xidmətlər "Dropbox", "Amazon Drive" və "iCloud Drive" olublar. İndi "Google Drive" servisi də artıq bu proqramı dəstəkləyir.

"Files" proqramı "iOS" mobil əməliyyat sistemi ilə işləyən qurğuda saxlanılan bütün məzmuna baxmağa imkan verir. İstifadəçi bu proqramın köməyi ilə faylı aça, redaktə edə, köçürə, adını dəyişdirə və yükləyə bilər.

Emil Hüseynov

Baxış sayı: 301