12px13px15px17px
Tarix:20/10/17

İKT sənayesində sürətli artım gözlənilir

“International Data Corporation” (IDC) analitik şirkəti dünya informasiya-kommunikasiya texnologiyaları (İKT) bazarının həcminin yeni texnologiyaların inkişafı sayəsində yaxın illərdə daha sürətli artacağını proqnozlaşdırır.  

“ICTnews” Elektron Xəbər Xidməti “DailyComm” resursuna istinadən yazır ki, 2016-cı ildə ənənəvi və yeni informasiya texnologiyaları, eləcə də telekommunikasiya xidmətləri üçün qlobal xərclər 4,3 trilyon dollara çatıb. 2021-ci ilədək isə xərclərin 5,6 trilyonadək artacağı, bazarın ortaillik artım tempinin 6 faizə bərabər olacağı gözlənilir. 2017-ci ildə İKT sahəsində artım dinamikasının 5,5 faiz, 2021-ci ildə isə 6,5 faiz təşkil edəcəyi proqnozlaşdırılır.

Ekspertlər bazarda sürətli artımı “Əşyalar interneti” (IoT), robot texnikası, əlavə və virtual reallıq (AR və VR), koqnitiv hesablamalar və süni intellekt kimi yeni texnologiyaların (innovasiya sürətləndiriciləri) inkişafı ilə əlaqələndirirlər. Qeyd edilən texnologiyalar üçün İKT xərcləri 2017-ci ildə 17 faiz artaraq növbəti beş il ərzində sürətli artım nümayiş etdirəcək.

Bildirilir ki, ənənəvi İKT həlləri iqtisadiyyatın tam formalaşmış sektorudur, İT sənayesinin əksər seqmentlərində tələbat ödənilməkdə, məhsullar isə geniş istehlak mallarına çevrilməkdə davam edir.

“IDC Customer Insights & Analysis” qrupunun vitse-prezidenti Stiven Mintonun sözlərinə görə, innovasiya sürətləndiriciləri lokal məlumat mərkəzlərini, qurğular və proqram təminatını əhatə edən ikinci platformanı sürətlə əvəzləyən üçüncü platformanın inkişafının vacib hərəkətverici qüvvəsinə çevrilib.

Üçüncü platformaya “bulud”, analitik və mobil texnologiyalar, sosial şəbəkələr və “Big Data” həlləri aid edilir. Analitiklərin proqnozuna görə, 2021-ci ildə İKT xərclərinin 75 faizi üçüncü platformanın payına düşəcək.

Genişlənməkdə olan “bulud” texnologiyaları bazarı ənənəvi İKT həllərinin mədaxilini ələ keçirərək “bulud” provayderlərinin əlində İT üçün daha çox kapital xərclərini cəmləyəcək. Proqnozlara görə, növbəti beş ildə ənənəvi informasiya texnologiyaları üçün xərclərin illik artımı təxminən 4 faiz təşkil edəcək, telekommunikasiya xidmətlərinin satışı isə 1 faiz artacaq.

Nizam Nuriyev 




Baxış sayı: 9

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 İyun 2018

23 06 2018

23/06/18
İlk ümumdünya “5G” standartı təsdiq edilib

Mobil sənaye və “3GPP” konsorsiumu avtonom “5G” spesifikasiyasını rəsmən təsdiq ediblər.

23/06/18
“YouTube”da populyar kanallar ödənişli olacaq

“Google” şirkətinə məxsus “YouTube” videohostinqi tamaşaçılarının sayı 100 mindən çox populyar 

23/06/18
“Google Chrome” brauzeri internetə qoşulmadan işləyəcək

“Google Chrome” brauzeri “ağıllı” oflayn rejimlə təchiz edilib. Yenilənmə proqrama smartfona 

23/06/18
Təyyarənin bortunda “Wi-Fi” sürətli olacaq

Alimlər uçuşlar zamanı yüksək keyfiyyətli rabitə üçün “Wi-Fi” hazırlayırlar. Karlsruye Texnologiya İnstitutun

23/06/18
ABŞ Yer kürəsinin asteroidlərdən qorunması üçün səyləri artırır

ABŞ hökuməti Yer kürəsində regionları və ya qitələri məhv edə biləcək asteroidlərdən qorunmaq