XƏBƏRLƏR

Tarix:08/11/17

“iOS 11” sistemi “Apple” mobil qurğularının neçə faizində quraşdırılıb?

“Apple” şirkətinin tərtibatçılar üçün rəsmi saytında “iOS 11” əməliyyat sisteminin mobil versiyalarının yayılması üzrə statistika dərc olunub. Noyabrın 6-na olan vəziyyətə görə, “App Store” əlavələr mağazasına daxil olan “Apple” mobil qurğularının 52 faizi yeni “iOS 11” əməliyyat sisteminin idarəetməsi ilə işləyib.

“ICTnews” Elektron Xəbər Xidməti “Ferra” resursuna istinadən yazır ki, bununla yanaşı, “iOS 10” sisteminin bütün “iPhone”, “iPad” və “iPod touch” qurğularında payı 38 faiz, “iOS”-un daha əvvəlki versiyalarının isə 10 faiz təşkil edir.

Sentyabrın 19-da buraxılan “iOS 11” sisteminin qurğulara tətbiqinin sürəti 2016-cı və 2015-ci illərdə işıq üzü görən “iOS 10” və “iOS 9”-dan zəif olub. O vaxt 50 faizlik nəticəyə iki həftə ərzində nail olunub.

Maraqlıdır ki, 2016-cı ilin avqustunda buraxılan “Android 8.0 Oreo” əməliyyat sistemi hazırda “Android” qurğularının yalnız 0,2 faizində quraşdırılıb.

Nizam Nuriyev

Baxış sayı: 359