XƏBƏRLƏR

Tarix:29/11/17

Qabaqcıl “Honor V10” smartfonu təqdim edilib

“Huawei” şirkəti yüksək dəqiqlikli böyük ekran, incə korpus və qabaqcıl kameralarla təchiz edilmiş yeni “Honor V10” smartfonunu təqdim edib.

“ICTnews” Elektron Xəbər Xidməti “dailycomm.ru” saytına istinadən yazır ki, qurğu 2,4 QHs-dək takt tezlikli səkkiznüvəli “Kirin 970” prosessoru və “Mali-G72 MP12” qrafik bloku ilə təchiz edilib və “Android 8.0 Oreo” mobil sisteminin idarəetməsi altında işləyir.

Bundan başqa, yeni smartfon iki təsvir sensoruna malik (16 və 20 meqapiksellik; LED işıqlandırıcı və 4K təsvir ölçülü videonu yazmaq dəstəyi mövcuddur) əsas kamera və 13 meqapiksellik ön kamera, barmaq izləri skaneri və “4G LTE”, “Wi-Fi 802.11ac”, “Bluetooth 4.2 LE” və “GPS” simsiz kommunikasiyalarına malikdir.

5,99 düymlük “FullView” ekranı 2160x1080 piksel təsvir ölçüsü və 18:9 tərəflər nisbəti ilə səciyyələnir. Maksimum əməli və daimi yaddaşın həcmi müvafiq olaraq 6 və 128 QB-dır. Həmçinin çıxarılıb taxılan “microSD” daşıyıcıları üçün slot mövcuddur.

Smartfonun fiziki ölçüləri 157 x 74,98 x 6.97 mm, çəkisi 172 qr-dır. Akkumulyator batareyasının tutumu 3700 milliamper/saat təşkil edir. Smartfon göy, qırmızı, qara və qızılı rəngli korpuslarda satılacaq.

5 dekabr 2017-ci il tarixindən yeni smartfon satışa çıxarılacaq. Maksimum əməli yaddaşa malik smartfonun satış qiyməti 530 dollar təşkil edəcək.

Emil Hüseynov

Baxış sayı: 352