12px13px15px17px
Tarix:29/11/17

“Facebook” həyatla könüllü vidalaşmaq istəyən insanların axtarışı üzrə xüsusi proqram istifadəyə verəcək

"Facebook" şirkətinin kontentin analizi üçün istifadə etdiyi süni intellekt alqoritmləri həyatdan könüllü getmək istəyən potensial istifadəçilərin axtarışı üçün tətbiq ediləcək.
 
"ICTnews" Elektron Xəbər Xidməti "DNI24" resursuna istinadən yazır ki, sistem istifadəçilər tərəfindən qruplarda, şəxsi səhifələrdə yazılan yazılarda mümkün risk faktorlarının müəyyənləşdirilməsi üçün avtomatik təbii dil emalı üsullarından istifadə edəcək. İstifadəçilərin sosial şəbəkələrdə dərc etdikləri məlumatlar mütəxəssislərə psixi xəstəliklərin yaranmasında risk qrupunu xarakterizə edən davranış nümunələrini öyrənməyə imkan verir.  
 
"Facebook" tərtibatçıları bundan sonra həyatda son addım atmaq istəyən istifadəçilərin müəyyənləşdirilməsi üçün sosial şəbəkədəki yazıların avtomatik analizdən istifadə edəcəklər. Sistem sosial şəbəkədə potensial istifadəçilərin yazılarını və onlara yazılan şərhləri təhlil edəcək.
 
Bu, insanların mümkün niyyətinin əlamətlərinin aşkarlanması üçün lazımdır. Müvafiq məlumat "Facebook" operatorlarına göndəriləcək və onlar məsələyə operativ reaksiya verməklə istifadəçiyə kömək təklif edəcəklər. Sosial şəbəkənin xüsusi "qaynar xətlər"lə əməkdaşlığı nəzərdə tutulur.
 
"Facebook" rəhbəri Mark Sukerberqin sözlərinə görə, insanların bilavasitə risk qrupuna aid olmasını müəyyənləşdirən alqoritm hazırda sadə şəkildə fəaliyyət göstərməklə, əsasən yazılarına "Sənə kömək lazımdır?", "Hər şey yaxşıdır?" tipli sualların dərc edildiyi istifadəçilər barədə məlumat verir.  

Sistemin təkmilləşdirilməsi üzərində işin davam etdirilməsi nəzərdə tutulur.  

Nizam Nuriyev 




Baxış sayı: 317

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024