12px13px15px17px
Tarix:05/12/17

“Facebook” uşaqlar üçün nəzərdə tutulmuş “Messenger Kids” proqramını təqdim edib

“Facebook” sosial şəbəkəsinin komandası “Messenger Kids” adlı yeni mobil proqramını təqdim edib. Yeni messencer 13 yaşadək uşaqlar üçün nəzərdə tutulub.

“ICTnews” Elektron Xəbər Xidməti “ferra.ru” saytına istinadən yazır ki, proqramçıların sözlərinə görə, “Messenger Kids” uşaqlara öz dostları və ailəsi ilə təhlükəsiz mesajlaşmağa imkan verəcək. Hazırda “Messenger Kids” yalnız ABŞ-da önbaxış şəklində və yalnız “iOS” mobil əməliyyat sisteminin idarəetməsi altında işləyən qurğular üçün əlçatandır. Cari ayın sonunda “Android” sistemi üçün versiyanın çıxarılması planlaşdırılıb.

Sözügedən yeni mobil proqrama “Facebook” hesabı vasitəsilə valideynlər tərəfindən tamamilə nəzarət mümkündür. Valideynlər uşaq üçün messencerdə hesab yarada, kontakt siyahısına nəzarət edə və zərurət olduqda onu təmizləyə bilərlər.

Messencer uşaq stikerləri, GIF şəkillər, emodzilər, çərçivə və başqa məzmun təklif edir. Qrup videozəngləri dəstəklənir, bu halda interaktiv maskalardan istifadə etmək olar. Mesajlaşmaq üçün telefon nömrəsi və mobil rabitə tələb olunmur, “Wi-Fi” qoşulma kifayətdir.

Emil Hüseynov




Baxış sayı: 31

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Sentyabr 2018

23 09 2018