12px13px15px17px
Tarix:13/12/17

“Goldmont Plus” arxitekturalı ilk birkristallı “Gemini Lake” sistemləri təqdim edilib

“Intel” şirkəti “Goldmont Plus” arxitekturası əsasında ilk birkristallı “Gemini Lake” sistemlərini təqdim edib. Onlar 14 nanometrlik texnoloji proses üzrə hazırlanan “Apollo Lake” həllini əvəzləməklə ucuz noutbuk, mini-fərdi kompüter və istilik ayırması (TDP) zəif prosessorlar tələb edən digər qurğularda istifadə olunacaq. Ümumilikdə 6 yeni çip nümayiş olunub: üç mobil və üç masaüstü həll. Sonuncu üçün “Pentium Silver J5005”, “Celeron J4105” və “Celeron J4005”, mobil qurğular üçün “Pentium Silver N5000”, “Celeron N4100” və “Celeron N4000” hazırlanıb.
 
“ICTnews” Elektron Xəbər Xidməti “4PDA” resursuna istinadən yazır ki, “Intel” nümayəndələrinin sözlərinə görə, yeni “Gemini Lake” ailəsi çipləri 4 il əvvəlki fərdi kompüterlərlə müqayisədə məhsuldarlığı 58 faiz çox təmin edir. İlk növbədə onlar internetə çıxış imkanı ilə iş və əyləncə üçün nəzərdə tutulub.
 
“Pentium Silver J5005” maksimal 2,8 QHs takt tezlikli və 800 MHs tezliyində işləyən inteqrasiya edilmiş “Intel UHD Graphics 605” qrafikalı dördnüvəli (dördaxınlı) həldir.
 
“Intel Celeron J4105”, həmçinin 2,5 QHs takt tezlikli dörd hesablama nüvəsinə (dörd axın) və 750 MHs tezlikli “UHD Graphics 600” qrafikasına malikdir. Ən ucuz həll olan “Celeron J4005” 2,7 QHs takt tezlikli iki nüvəyə (iki axın) və 700 MHs tezlikli inteqrasiya olunmuş   “Intel UHD Graphics 600” qrafikasına malikdir.
 
Mobil prosessorlar arasında “Intel Pentium Silver N5000” qabaqcıl həll hesab edilir. Bu, 2,7 QHs takt tezlikli dördnüvəli (dördaxınlı) və 750 MHs tezlikli “Intel UHD Graphics 605” qrafikalı çipdir.
 
“Intel Celeron N4100” və “N4000” takt tezlikləri müvafiq olaraq 2,4 QHs və 2,6 QHs təşkil etməklə masaüstü həllərlə oxşardır. Onların inteqrasiya olunmuş qrafikası isə müvafiq olaraq 700 MHs və 650 MHs tezliyində işləyir. Bundan başqa, çiplər “Gigabit Wi-Fi” standartını dəstəkləyir və 35 vatt-saat akkumulyator tutumlu noutbukda 10 saatadək “HD” formatlı videoya baxışı təmin edir.
 
Yeni prosessorlar əsasında ilk qurğuların satışına 2018-ci ilin birinci rübündə başlamaq planlaşdırılır.
 
Nizam Nuriyev




Baxış sayı: 203

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






20 Yanvar 2018

19 01 2018

19/01/18
“WhatsApp Business” messenceri istifadəyə verilib

“WhatsApp” şirkəti kiçik biznes təşkilatlarının müştərilərlə ünsiyyətinin sadələşdirilməsi üçün nəzərdə

19/01/18
“WhatsApp” pulköçürmələri sistemini sınaqdan keçirir

Ötən ilin aprelində məlum olmuşdu ki, “WhatsApp” Hindistanda P2P pulköçürmələri sistemini istifadəyə verməyə 

19/01/18
“Apple” qurğu istifadəçiləri üçün “ağıllı” diş fırçası təqdim edilib

“Colgate” şirkəti yalnız “Apple” şirkətinin mağazalarında və saytında satışa çıxarılacaq “ağıllı

19/01/18
“Samsung Galaxy On7 Prime” smartfonu rəsmən nümayiş olunub

“Samsung” şirkəti Hindistanda “Galaxy On7 Prime” smartfonunu rəsmən təqdim edib. 

19/01/18
İlin ən innovativ şirkətləri bəlli olub

“Apple” və “Google” artıq ikinci il ardıcıl olaraq “Boston Consulting Group” tərəfindən tərtib edilən 50 ən innova

19/01/18
Süni intellektli “Samsung” prosessoru buraxılacaq

“Samsung” şirkəti süni intellektə malik çipin hazırlanmasını başa çatdırmaq üzrədir. Bu barədə 

19/01/18
“Huawei” şirkəti sürətli enerji toplama texnologiyası hazırlayıb

Çinin “Huawei” şirkətinin tədqiqat bölməsi “Watt Lab” yeni nəsil sürətli enerji toplama texnologiyası