XƏBƏRLƏR

Tarix:04/01/18

“Kinect” kontrollerinin satışı dayandırılıb

“Microsoft” korporasiyası “Kinect” kontrollerindən tam imtina etməklə bağlı qərar qəbul edib. Ötən ilin oktyabrında “Xbox One” konsolu üçün sensorların istehsalını dayandıran korporasiya bu dəfə qurğunun satışından imtina edib.

“ICTnews” Elektron Xəbər Xidməti “Life” resursuna istinadən yazır ki, əvvəlcə “Kinect” qurğusu “Xbox One” konsolu ilə birlikdə tədarük edilsə də, sonradan sensoru 40 dollara ayrıca əldə etmək mümkün olub. Yenilənmiş “Xbox One” versiyalarına sensoru birbaşa qoşmaq mümkün olmadığına görə xüsusi adapterdən istifadə tələb olunub.

Məlumata görə, hazırda qurğuya yalnız pərakəndə satış nöqtələrində rast gəlmək olar. Bundan sonra “Microsoft” qurğunu tədarük etməyəcək. ABŞ-ın təkrar bazarında sensorun qiyməti 150-300 dollar təşkil edir.

Qeyd edək ki, “Kinect” kontrolleri ilk dəfə satışa 2010-cu ildə çıxarılıb. “Xbox 360” konsolu üçün buraxılan sensor sonradan “Windows” əməliyyat sistemi, eləcə də “Xbox One” qurğusu üçün buraxılmağa başlayıb.

Nizam Nuriyev

Baxış sayı: 288