XƏBƏRLƏR

Tarix:11/01/18

Casus xüsusiyyətlərinə malik küçə fənəri təqdim edilib

Bu il “CES” sərgisində elm və yüksək texnologiyaların müxtəlif sahələri üzrə olduqca maraqlı yeniliklər təqdim edilir. Maraqlı yeniliklərdən biri “Wi-Fiber” adlı startap tərəfindən təqdim edilmiş "ağıllı" modulyar küçə fənəridir. Fənər "ağıllı şəhər" konsepsiyasının bir hissəsi ola bilər, çünki o, yoldan keçənləri izləmək, təhlükə haqda xəbərdarlıq etmək və hətta internet paylamaq imkanına malikdir.

“ICTnews” Elektron Xəbər Xidməti “hi-news.ru” saytına istinadən yazır ki, işıq diodu lampaları vəziyyətdən asılı olaraq rəngini dəyişdirir və təhlükə haqda xəbərdarlıq etməyə imkan verir. Həmçinin "ağıllı" fənər “Wi-Fi” paylaya bilər və içərisinə videomüşahidə kamerası yerləşdirilməklə 4K təsvir ölçüsündə video çəkmək və səsi yazmaq olar. Həmçinin cinayətkarları aşkar etmək üçün səsin tanınması alqoritmlərinin tətbiqi ilə səs siqnalını ayrıca yazmaq mümkündür.

“Wi-Fiber” ayrı-ayrı insanların axtarışını apara və şəkilləri arxivləşdirə bilər, ki, onlara gələcəkdə giriş əldə etmək mümkün olsun. Bundan başqa, sistem odlu silah datçikləri və havanın keyfiyyətini müəyyən edən sensorlarla təchiz edilib.

Emil Hüseynov

Baxış sayı: 416