XƏBƏRLƏR

Tarix:30/01/18

Mobil operativ yaddaşın qiyməti 3 faiz bahalaşacaq

2018-ci ilin birinci yarısında mobil operativ yaddaşın (DRAM) kontrakt qiymətləri əvvəlki rübə nisbətdə 3 faiz bahalaşacaq, illik hesablamada isə artım 5 faiz təşkil edəcək. Bu barədə "DRAMeXchange" analitik şirkətinin proqnozunda deyilir.

"ICTnews" Elektron Xəbər Xidməti "DailyComm www.dailycomm.ru" resursuna istinadən yazır ki, ekspertlərin sözlərinə görə, genişformatlı ekrana malik yeni smartfonların satışının zəif olmasına görə birinci rübdə mobil telefonların satışı gözləniləndən aşağı olur.

Yaddaş və digər komponentlərin qiymətinin bahalaşması smartfonların satışının rentabelliyini aşağı salaraq qurğu istehsalçılarını 2017-ci ilin dördüncü rübündən istehsal planlarına düzəlişlər etməyə və ehtiyatların artırılmasını təxirə salmağa məcbur edir.

Mütəxəssislərin proqnozlarına görə, 2018-ci ilin ikinci yarısında mobil operativ yaddaşın kontrakt qiymətləri dəyişməz qalacaq və ya cüzi yüksələcək. Bununla yanaşı, bazara "Android" əməliyyat sisteminin idarəetməsi ilə işləyən yeni modellərin çıxarılması sayəsində smartfonlara tələbatın artacağı gözlənilir.

Analitik şirkətin gözləntilərinə görə, mobil qurğular üçün "DRAM" yaddaşının qlobal tədarükü cari ilin birinci yarısında məhdud olacaq. Buna səbəb kimi "Samsung" şirkətinin Cənubi Koreyanın Pxentxek şəhərində yerləşən zavodunda yeni istehsal xəttinin ikinci rübədək istifadəyə verilməməsi qeyd olunur.

Nizam Nuriyev

Baxış sayı: 325