12px13px15px17px
Tarix:01/02/18

Bu smartfon ən yaxşı avtonom işləmə müddətinə malikdir

“PhoneArena” resursu bu yaxınlarda təqdim edilmiş qabaqcıl “Honor V10”  smartfonunun avtonom işləmə müddəti üzrə nəticələrini dərc edib. Mütəxəssislər sözügedən aparatı ən müxtəlif istifadə ssenariləri (3G və Wi-Fi üzrə veb sörfinq, telefonla söhbət və videolara baxış) üzrə yoxlayıblar. Sözügedən aparat mobil bazarın liderləri arasında ən yaxşı nəticələrdən birini nümayiş etdirib.

“ICTnews” Elektron Xəbər Xidməti “4pda.ru” saytına istinadən yazır ki, “Honor V10” aparatı bütün qabaqcıl smartfonlar arasında Wi-Fi üzrə veb-sörfinq zamanı ən yaxşı nəticə (12,47 saat) nümayiş etdirib. Həmçinin digər hallarda avtonom işləmə müddəti çox yaxşı olub. “PhoneArena” resursunun əməkdaşlarının “Honor V10” aparatından standart istifadə zamanı avtonom işləmə müddəti 16 saat 27 dəqiqə təşkil edib.

“Honor V10” smartfonu 3750 milliamper/saat tutumlu akkumulyator, 2160x1080 piksel təsvir ölçülü displey, neyron hesablama moduluna malik səkkiznüvəli “Kirin 970” prosessoru ilə təchiz edilib. Aparat “EMUI 8.0” interfeysli “Android 8.0 Oreo” sisteminin idarəetməsi altında işləyir.

Emil Hüseynov




Baxış sayı: 370

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024