12px13px15px17px
Tarix:21/02/18

Süni intellekt pasiyentin gözlərinə görə ürək-damar xəstəlikləri riskini proqnozlaşdırmağı öyrənib

“Google” və onun tibbi texnologiyalar üzrə ixtisaslaşmış “Verilu” adlı törəmə şirkətinin mütəxəssisləri tərəfindən yaradılmış alqoritm gözün torlu qişasının şəkillərinin təhlili əsasında insanda ürək-damar xəstəliklərinin yaranma riskini öncədən xəbər vermək qabiliyyətinə malikdir.
 
“The Verge” nəşri yazır ki, təklif edilmiş metod pasiyentin qan analizinə əsaslanan mövcud testlər kimi təxminən eyni proqnozlaşdırma dəqiqliyinə malikdir.
“ICTnews” Elektron Xəbər Xidməti “hitech.newsru.ru” saytına istinadən yazır ki, mütəxəssislər alqoritmin təlimi üçün təxminən 300 min pasiyentə aid gözün torlu qişasının şəkilləri və tibbi göstəricilərindən ibarət bazadan istifadə ediblər. Bu məlumatlar əsasında proqram torlu qişanın təsvirləri üzrə insanın yaşını, onun qan təzyiqini, həmçinin siqaret çəkib-çəkmədiyini müəyyənləşdirməyi öyrənib. Bu məlumatlar ümumilikdə ürək-damar xəstəliklərinin inkişaf riski barədə fikir yürütməyə imkan verir.
 
“The Verge” nəşri yazır ki, gələcəkdə “Google”un alqoritminin tətbiqi həkimlərin işini asanlaşdıra bilər, ancaq öncə bu metod dəqiq yoxlamadan keçməlidir.
 
Emil Hüseynov





Baxış sayı: 538

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024